ЧИГ ҮҮРЭГ

• Хот байгуулалтын баримт бичиг, техник эдийн засгийн үндэслэл, барилга байгууламж, инженерийн шугам сүлжээ, усны барилга байгууламж, нэг маяг зураг төсөл боловсруулах ажлуудын үе шатны гүйцэтгэлд захиалагчийн дүрмийн дагуу захиалагчийн техник хяналт хэрэгжүүлэх, захиалагчид тайлагнах;
• Захиалагчийн техник хяналтын хүрээнд барилгын салбарт хүчин төгөлдөр мөрдөгдөж буй норм, нормативын шаардлагыг хангуулах зураг төслийн чанарыг сайжруулах арга зүйгээр хангаж ажиллах;
• Зураг төсөл, ТЭЗҮ-ийг үе шатны хурал зөвлөгөөнөөр хэлэлцүүлэх, дүгнэлт гаргуулах үйл ажиллагааг зохион байгуулах, холбогдох байгууллагуудтай хамтран ажиллах, зөвшөөрөлцөх шатанд гүйцэтгэгчид дэмжлэг үзүүлэх;
• “Барилга байгууламжийн нэг маягийн зураг төслийг хүлээн авах, хадгалах нийтэд түгээх, хэрэглэх журам”-ын дагуу ажлыг зохион байгуулах;
• Хот байгуулалт, барилга, нийтийн аж ахуйн салбарт гадаад, дотоодын хөрөнгө оруулалтаар шинээр хэрэгжүүлэх төсөл, хөтөлбөрийн техник эдийн засгийн үндэслэл, тооцоо, төслийн баримт бичиг боловсруулах, хөрөнгө оруулалтыг шийдвэрлүүлэхэд холбогдох байгууллагуудтай хамтран ажиллах.

ЗОРИЛГО

• Хот байгуулалтын баримт бичиг, техник эдийн засгийн үндэслэл, барилга байгууламж, инженерийн шугам сүлжээний зураг төсөл боловсруулах ажилд захиалагчийн техник хяналт хэрэгжүүлэхэд оршино.